ТЖМ құтқарушылары Іле Алатауынан туристерді тасымалдады

21 сәуірде сағат 8:35-те Республикалық жедел-құтқару жасағының 5 адамнан құрылған жедел тобы және кинологиялық есебі екі туристке көмек көрсету үшін Медеу ауданындағы тауға шықты, деп хабарлайды El.kz ақпарат агенттігі.

Ер адамдар Фурманов шыңына (3053 м) көтеріліп бара жатқанда, олардың біреуі төмен қарай домалап кетті, екіншісі борпылдақ жерде қалып, өздігінен түсе алмады.

Сағат 12.02-де құтқарушылар зардап шеккендерге жетіп, қалалық құтқару қызметінің құтқарушыларымен бірлесіп, ер адамдардың бірін тасымалдауға кірісті. Сағат 13:58-де құтқарушылар зардап шеккен адамды төмен түсіріп, Апаттар медицинасы орталығының қызметкерлеріне тапсырды. 2004 және 2005 жылы туған екі адам құтқарылды.

ТЖМ құтқарушылары тауға бір күндік сапарға арналған жеке жабдықтар туралы еске салады: ыңғайлы треккинг бәтеңке, серуендеуге арналған таяқшалар, міндетті түрде су, су өткізбейтін пакеттегі сіріңкелер, тоқтауға арналған хоба (отыратын кілем), жылдың кез-келген мезгілінде spf-крем.