Түркияда жергілікті электромобиль сатыла бастады

15 қыркүйекте Түркияның электромобиль өндірушісі Togg T10F көлігіне тапсырыс қабылдауды бастағанын жариялады, деп хабарлайды El.kz интернет порталы.

Компания мәлімдегендей, әлемдік қауымдастыққа Мюнхенде өткен IAA Mobility 2025 көрмесінде таныстырылған жаңа үлгі енді Түркияда Trumore цифрлық платформасы арқылы қолжетімді. Модельдің бастапқы бағасы – 1 млн 860 мың лира.

Спорттық фастбэк үлгісіндегі T10F V2 нұсқасына арнайы қаржыландыру бағдарламалары қарастырылған. Ал Германияда тапсырыс қабылдау 29 қыркүйектен басталады.

Еуропалық қауіпсіздік бағдарламасы Euro NCAP жүргізген барлық краш-тест қорытындылары бойынша T10F ең жоғары баға – бес жұлдыз иеленді. Сонымен қатар жаңа модельді Түркия президенті Режеп Тайып Ердоғанның өзі сынап көрді.

🌍 IAA Mobility 2025’te dünya sahnesindeydik!

⏳ Geri sayımla başladık,
🚘 Yeni modelimiz #T10F’i tanıttık,
🎨 Türkiye’nin renklerine Mardin ve Urla eklendi,
⭐ Hem #T10X hem de T10F Euro NCAP’ten 5 yıldız aldı,
📢 Türkiye’de 15 Eylül, Almanya’da 29 Eylül satış başlangıçlarını… pic.twitter.com/ScET6ne2bC

— Togg (@Togg2022) September 14, 2025