Түркістан облысында жантүршігерлік жол апаты болды

Түркістан облысында жол апатынан алты адам қаза тапты, деп хабарлайды El.kz ақпарат агенттігі.

Облыстық Полиция департаментінің мәлімдеуінше, Кентау-Түркістан жолының бойында екі «Ауди» маркалы көлік соқтығысып, көліктер өртке оранды.

Жеңіл көліктің бірінің жүргізушісі қарсы жолаққа шығып кетіп, қарсы беттегі көлікке соғылған. Апат салдарынан 6 адам қаза тауып, 4 адам түрлі жарақатпен Кентау қаласының медициналық мекемесіне жатқызылды.

Қазір жол апатының мән-жайын анықтау үшін сотқа дейінгі тергеу амалы жүргізіліп жатыр.