"Түркі әлемінің мәдени астанасы 2025": Ақтауда қандай мәдени іс-шаралар өтеді

Ақтау қаласы – Түркі әлемінің мәдени астанасы 2025: Ірі мәдени іс-шаралар мен халықаралық фестивальдер өтеді, деп хабарлайды El.kz ақпарат агенттігі.

«Ақтау - Түркі әлемінің мәдени астанасы» жобасы аясында 2025 жылдың сәуір айынан бастап түркітілдес мемлекеттер арасындағы бауырластық байланыстар мен достықты, түркілік мәдениет пен өнерді ұрпақтан ұрпаққа жеткізіп, оны әлемге таныту мақсатында түркітілдес мемлекеттер өнерпаздарының қатысуымен көптеген мәдени іс-шаралар ұйымдастырылады. Бұл туралы Маңғыстау облысы мәдениет, тілдерді дамыту және архив ісі басқармасының басшысы Нұртас Сали мәлімдеді. 

Спикердің айтуынша, қазіргі таңда тек Ақтау қаласында ғана емес, Маңғыстау өңірінде аталған мәртебеге сай іс-шараларды лайықты ұйымдастыру мақсатында қызу дайындық жүріп жатыр.

Аталған ірі іс-шаралар Маңғыстау өңірін әлемдік деңгейде танытуға мүмкіндік береді. Ұйымдастырылатын барлық мәдени шаралар кестеде көрсетілген, - деді Нұртас Сали.