Тұмауға қарсы екпе алуға бола ма?

15 қыркүйекте жаппай тұмауға қарсы екпе егу науқаны басталады. Екпені тұрғылықты жер бойынша емханадан салдыруға болады. 

Алматы қаласының санитариялық-эпидемиологиялық бақылау департаментінің мәліметінше, тұмау – ауа тамшылары арқылы берілетін жіті респираторлы жұқпалы ауру.  Алғашқы 1-2 күн тұмау жұқтырып, ауруға шалдыққан адам барлық жағдайларда осы инфекцияның жұқтырушы көзі болып табылады. Жыл сайын тұмауға шалдығу жағдайлары күз-қыс мезгілінде тіркеледі. Әлеуметтік маңыздылығы мен  экономикаға тигізетін зияны жағынан тұмау адамның барлық ауруларының ішінде бірінші орында тұр.

Тұмаудың клиникалық ағымы пневмония, бронхит тәрізді түрлі асқынулармен, сондай-ақ, жүрек қантамырларының, жүйке жүйесіндегі, созылмалы аурулардың асқынуымен бірге жүреді. Тұмау әсіресе, өмірге жаңа келген сәбилер, егде жастағы кісілер мен әлсіз адамдар өмірі үшін қауіпті. Статистика бойынша тұмау кезінде асқыну жағдайлары әрбір 10-шы науқаста ұшырасады.

Әлемдегі тұмаудан сақтанудың негізгі әдісі – вакцинация. Жыл сайын елімізде тәуекелі жоғары барлық топта:

• медицина қызметкерлерін,
• медициналық ұйымдарда медициналық бақылауға жататын балаларды,
• 6 айдан 5 жасқа дейінгі балаларға,
• 65 жастан асқан азаматтарға,
• жетім балалар мен ата-анасының қамқорлығынсыз қалған балаларға арналған білім беру ұйымдары,
• сәбилер үйлері балаларын,
• медициналық-әлеуметтік мекемелердің (ұйымдардың) қызмет алушыларын,
• жүктіліктің 2-ші немесе 3-ші триместрінде жүкті әйелдерді,
• жүрек-қантамыр жүйесінің аурулары бар,
• тыныс алу мүшелерінің созылмалы аурулары бар
• эпидемиологиялық көрсетімдері бойынша жыл сайын тұмауға қарсы вакцинация жүргізіледі.

Вакцинация бұл санаттағы адамдарды ғана тұмау жұқтырудан сақтап қана қоймай, сонымен қатар, айналадағы  адамдарды да ауруға шалдығудан  сақтайды, тұмау асқынуының және өлім-жітім жиілігін төмендетеді.

Тұмауға қарсы вакцина түрлері: 

• «Гриппол+ 4-валентті»
• «Гриппол+ 3-валентті»   

Егер арнайы топқа кірмесеңіз,вакцинация ақылы негізде жүргізіледі.