Трансгендерлерге әйелдер жарысына қатысуға тыйым салынды

АҚШ Олимпиада және Паралимпиада комитеті трансгендерлерге әйелдер жарысына қатысуға тыйым салды, деп хабарлайды El.kz интернет порталы.

АҚШ Олимпиада және Паралимпиада комитеті (USOPC) трансгендер спортшылардың олимпиадалық спорт түрлеріндегі әйелдер арасындағы жарыстарға қатысуына тыйым салды.

Комитет спорт федерацияларына АҚШ президенті Дональд Трамптың жарлығын сақтау қажеттігін ескертіп, жарыстарға қатысу ережелеріне тиісті өзгерістер енгізгенін мәлімдеді.

Еске салайық, 2024 жылдың ақпан айында Дональд Трамп жынысын ауыстырған ер адамдардың әйелдер жарыстарына қатысуына АҚШ аумағында тыйым салатын жарлыққа қол қойған болатын. Сондай-ақ ол 2028 жылы Лос-Анджелесте өтетін Олимпиада ойындарында трансгендер спортшылардың қатысуын шектеуге күш салатынын жеткізген.