Төтеншеліктер сырғанау кезіндегі ережелерді еске салды

Төтенше жағдайлар министрлігі сырғанау кезінде сақталуы тиіс бірнеше ережелерді еске салды, деп хабарлайды El.kz ақпарат агенттігі. 

Ведомство кеңесіне сүйенсек, бірінші кезекте шана немесе стюбпен сырғанау үшін тек жабдықталған және қар көшкіні қаупі жоқ орындарды таңдаңыз. Шанаға немесе арнайы сырғанағыш құралға жатып, аяқпен немесе тіземен сырғанауға болмайды, арнайы тұтқаларды ұстап отыру қажет. Оған шамадан тыс жүктеме салмаңыз. Әрбір шана немесе сырғанағыш құралдың үлгілік сипаттамаларында  рұқсат етілген ең үлкен салмақ көрсетіледі. 

Бұдан өзге министрлік жолдардың жанында сырғанауға тыйым салынатынын атап өтті. 

Осы қарапайым ережелерді сақтай отырып, сіз өзіңізді және басқаларды ықтимал жарақаттар мен зақымдардан қорғайсыз.