Төреғали Төреәлі 25 мың адамды 10 сағат бойы күттіріп қойды

Танымал әнші Төреғали Төреәліні Ақсуатта 25 мың адам концерт алаңында он сағат бойы тік тұрып күткен, деп хабарлайды El.kz ақпарат агенттігі.

Бұл туралы өнер иесі әлеуметтік желідегі парақшасында мәлімдеді. 

Мен Алматыдамын. Алматыға келе сала жұмыстарды бастап кеттік, әзірге Ақсуаттағы концерттегі қызықтарды бөлісейін. Халқым мені, мен халқымды сағынып қалыппыз. Аллам абыройдан айырмасын, – деп жазды әнші. 

Десе де, өнер иесі халықты біршама күттіріп қойған.

Төреш ағаны 10 сағат бойы тік тұрып күтіп тұрдық. 25 мың адам 20.00-ден бастап күтті. Осындай керемет эмоция сыйлаған жандарға мың алғыс, – деген тыңдарманының пікірі де желіде жарияланды. 

Айта кетейік, үш күннен бері Ақсуатта дүбірлі той өтіп жатыр.