ТМД бақылаушылары сайлауда бұзушылықтар әзірге байқалмағанын мәлімдеді

Бұл туралы ТМД Парламентаралық Ассамблеясының мүшелері Астанада өтіп жатқан баспасөз мәслихатында мәлімдеді, деп хабарлайды El.kz ақпараттық агенттігі BAQ.KZ-ке сілтеме жасап.

Біз аралған сайлау учаскелерінде барлығы өте сапалы дайындалған. Сайлау комиссиясының мүшелері тыңғылықты дайындықтан өткен. Бақылаушылар қандай ықтимал бұзушылықтарды тіркейтінін, олардың қандай болатынын біледі және түсінеді. Қазіргі сәтте біз де, ұлттық байқаушылар да бірде-бір бұзушылықтарды байқамадық, - деп атап өтті кеңесі хатшылығының басшысы – Бас хатшы Дмитрий Кобицкий Дмитрий Кобицкий.  

Сондай-ақ ТМД елдерінің парламентаралық ассамблеяларының бақылаушылары өздері барған сайлау учаскелерінде барлық талаптардың сақталғанын алға тартты.

Тура сағат 7-де біз сайлау учаскесінің қалай ашылғанына куә болдық. Өз кезегінде, сайлаушылардың белсенділік танытқандарын айта кетсем деймін. Бәрі мерекелік көңіл күйде болды. Сайлау учаскесі ашылар алдында Қазақстан Республикасының әнұраны орындалды. Одан кейінгі процедуралар да ҚР  заңнамасы мен сайлау өткізуге қатысты халықаралық стандарттарға толықтай сәйкесті, - деді Тәжікстан Республикасы Мажлиси Намояндагон Мажлиси Оли төрағасының орынбасары, ТМД Парламентаралық Ассамблеясының Халықаралық байқаушылар тобының үйлестірушісі Дилрабо Мансури.