Титан батискафында қайтыс болған миллиардердің әйелі мұрасыз қалды

Пәкістандық миллиардер Шахзада Давудтың жесірі Кристина Давуд пен оның 17 жасар қызы Алина Шахзаданың өзі мен оның 19 жастағы ұлы Сүлейман қайтыс болған Титан сүңгуір қайық трагедиясынан кейін мұрасыз қалды, деп хабарлайды El.kz ақпарат агенттігі.

Миллиардер мәртебесіне және жыл сайын 1,5 миллиард еуро табыс әкелетін Dawood отбасылық бизнес империясына қарамастан, оның әйелі Кристина небәрі 91 614 еуро көлемінде мұра алды.

Daily Mail мәліметінше, бұған өсиетнаманың болмауы себеп. Бұл отбасы ағылшынның Суррей графтігінде өмір сүреді, жергілікті заңдарға сәйкес нақты өсиетнамасыз Ұлыбританиядағы активтердің бір бөлігі ғана мұраға енеді. Ал Давудқа тиесілі байлықтың негізгі бөлігі елден тыс жерде.

Естеріңізде болса, қайғылы оқиға 2023 жылдың жазында Титан сүңгуір қайығы «Титаниктің» сынықтарын көруге аттанған кезде болды. Шахзада мен Сүлейманнан бөлек бортта тағы үш адам болды. Олардың бәрі қаза тапты.