Tesla ең арзан электромобильдерін шығарды

Кәсіпкер Илон Масктың меншігіндегі Tesla компаниясы тарихындағы ең қолжетімді электрокарларын таныстырды. Бұл туралы The Verge порталына сілтеме жасай отырып El.kz интернет порталы хабарлайды.

Компания Model 3 Standard лифтбегін және Model Y Standard кроссоверін таныстырды – бұл бұрыннан танымал модельдердің жеңілдетілген нұсқалары.

Екі көлік те 840 шақырымға дейін жүретін электрқозғалтқышпен жабдықталған, ал 100 км/сағ жылдамдыққа 6,8 секундта жетеді.

Бағаны төмендету мақсатында Tesla бірнеше функциядан бас тартқан: енді бұл модельдерде панорамалық төбе, жарық панельдері, артқы қатар үшін бөлек дисплей және есіктер маңындағы жарықтандыру жоқ. Сонымен қатар айнаны электрреттеу жүйесі де алынып тасталған.