Теннистен Қазақстан жасөспірімдер құрамасы Кучингте лайықты өнер көрсетті

Кучингте (Малайзия) 14 жасқа дейінгілер арасында жасөспірімдер әлем чемпионаты – World Junior Tennis Competition 14&Under Азия – Тынық мұхит аймағы бойынша іріктеу турнирі мәресіне жетті, деп хабарлайды El.kz ақпарат агенттігі.

Қазақстан құрамасы топтық бәсекеден сенімді өтіп, ширек финалда Корея Республикасы командасымен кездесті. Матч тартысты өтіп, қыздарымыз 1:2 есебімен жеңіліс тауып, өкінішке қарай, әлем чемпионатының финалдық кезеңіне өте алмады. Дегенмен команда 5-8 орындар үшін ойындарда нағыз күрескерлік рухты көрсете білді. Әсіресе 5-орын үшін кездесуде турнирдің мықты құрамаларының бірі – Аустралияны 2:1 есебімен тізе бүктірді.

Теннис федерациясының мәліметінше, бұл қазақстандықтардың бір апта ішінде Аустралиямен матчтағы екінші жеңісі еді. Бұдан бұрын біздің спортшыларымыз топтық кезеңде де мықтылық танытқан еді.  Мұндай нәтиже – Аустралия теннисінің деңгейін ескерсек, үлкен нәтиже.