Теміржол өткелінде көлік пен пойыз соқтығыса жаздады

Шу-Шығанақ учаскесінің күзетілетін реттелетін теміржол өткелінде көлік пойызбен соқтығыса жаздады. Оқиға 18 шілдеде сағат 14:54–те болған, деп хабарлайды El.kz интернет порталы.

ҚТЖ мәліметінше, көлік жүргізушісі жол ережелерін елемей, жолға шығып кеткен. Абырой болғанда пойыз машинисі  соқтығысудың алдын алып, шұғыл тежеуді уақытылы қолданған. Ал көлік жүргізушісі оқиға орнынан қашып кеткен. Салдарынан пойыз кестеден 4 минутқа кешіккен. Ақпарат құқық қорғау органдарына берілді.

Оқиғаның себебі - жүргізуші тарапынан жол қозғалысы ережелерін өрескел бұзуы.