«Таза Қазақстан»: Шымкенттегі ауданда 3 мыңға жуық ағаш отырғызылды

«Таза Қазақстан» республикалық акциясы аясында Шымкент қаласында көптеген ауқымды жұмыс атқарылып жатыр, деп хабарлайды El.kz ақпарат агенттігі.

Қалалық әкімдік мәліметінше, Тұран ауданында «Таза Қазақстан» акциясы аясында 35-ке жуық сенбілік ұйымдастырылып, оған 5 мемлекеттік мекеме мен 70-ке жуық кәсіпкерлік нысан, сондай-ақ 15 мыңнан астам тұрғын қатысқан. Бұл шараларда 60-ға жуық арнайы техника жұмылдырылып, 3000-ға жуық жасыл желек, ағаш көшеті егілді. Аудан аумағында 400-ге жуық ішкі орам, магистраль көшелер тазартылды.

Табиғатты аялауға арналған бұл бастамаларға білім беру, денсаулық сақтау, мәдениет және кәсіпкерлік саласының өкілдері белсенді түрде атсалысты. Қоғам болып атқарылған бұл іс-шаралар қала тұрғындарының қоршаған ортаға деген жауапкершілігін арттырып, таза әрі жайлы өмір сүруге деген ұмтылысын айқын көрсетіп келеді, - делінген мәліметте.