"Таза Қазақстан": Маңғыстау жастары теңіз жағалауын қоқыстан тазартты

Маңғыстау облысында жастар мен еріктілер «Таза Қазақстан» экологиялық акциясы аясында теңіз жағалауын қоқыстан тазартты. Іс-шара «Салауатты сана» мемлекеттік әлеуметтік тапсырысы негізінде жүзеге асып отыр, деп хабарлайды El.kz интернет порталы.

Жастар «O’mir Glamping» демалыс аумағына жақын маңдағы жағалауға жиналып, қоршаған ортаны қорғау мен экологиялық мәдениетті дамыту мақсатында сенбілік өткізді. Олар тұрмыстық қалдықтарды жинап, аумақты абаттандыруға үлес қосты.

Ұйымдастырушылардың айтуынша, мұндай шаралар тазалықты қамтамасыз етуге ғана емес, сонымен бірге табиғатты аялау мәдениетін жастар арасында қалыптастыруға бағытталған. Алдағы уақытта Мұнайлы ауданында экологияны қорғауға қатысты тағы бірнеше бастама қолға алынбақ көрінеді.