"Таза Қазақстан": Астанадағы Арбатта эко-куиз өтті

«Таза Қазақстан» ауқымды республикалық экологиялық акция аясында елордадағы Арбатта қала тұрғындары мен қонақтарына арналған эко-куиз өтті, деп хабарлайды El.kz интернет порталы.

Қала әкімдігінің ақпаратыша, іс-шараға жүзге жуық адам қатысты. Қала тұрғындары экологиялық білімдерін сынау үшін бүкіл отбасымен келді.

Жеңімпаздарға интеллектуалды ойындар, балаларға арналған ойыншықтар мен спорттық доптар табыс етілді.

Айта кетейік, бұған дейін елордалық мәдениет мекемелері «Таза Қазақстан» акциясын қолдау мақсатында ескерткіштердің айналасын, театрлар мен музей ғимараттарының аумағын тазалады. Мұндай шаралар тұрақты түрде ұйымдастырылады.