«Таза Қазақстан»: Ақтауда шекарашылар теңіз жағалауын тазалады

Ақтауда ҰҚК Шекара қызметінің Маңғыстау облысы бойынша департаментінің әскери қызметшілері «Таза Қазақстан» экологиялық акциясын өткізді, деп хабарлайды El.kz интернет порталы.

Тазалық іс-шарасына 120 әскери қызметші қатысып, «Солдат жағажайы» аумағы мен Ақтау теңіз сауда порты маңындағы 15 шақырымнан астам жағалау сызығын қоқыстан тазартқан. Акция барысында шекара сақшылары 2 тоннадан астам қоқыс жинағаны мәлім болды. 

Бұл акцияның мақсаты – табиғатты сақтау, қоғамның назарын экология мәселелеріне аудару, өңірімізді барынша таза әрі жайлы ету, сондай-ақ әскери қызметшілер мен тұрғындарда экологиялық мәдениет пен қоршаған ортаға жауапкершілікпен қарау сезімін қалыптастыру, - деді департаменттің тәрбие және идеологиялық жұмыс бөлімінің аға кеңесшісі, подполковник Дархан Дарменбеков.