«Тәуелсіздік ұрпақтары» грантының жеңімпаздары анықталды

«Тәуелсіздік ұрпақтары» грантының жеңімпаздарын салтанатты марапаттау рәсімі өтті, деп хабарлайды El.kz Ақпарат және қоғамдық даму министрлігінің баспасөз қызметіне сілтеме жасап.

«Тәуелсіздік ұрпақтары» гранты Президент Қасым-Жомарт Тоқаевтың тапсырмасына сәйкес жыл сайын беріледі.

Жобаның мақсаты – белсенді, шығармашыл жастар қауымдастығын қалыптастыруға бағытталған жастардың жаңа және қолданыстағы бастамаларына мемлекеттік қолдау көрсету.

Биыл 1000-нан астам жастың жобалары қабылданды. Нәтижесінде «Тәуелсіздік ұрпақтарыә гранты 2022 жылы «Ғылым», «Мәдениет», «Ақпараттық технологиялар», «Бизнес», «Медиа» бағыттары бойынша үздік деп танылған 33 жобаның жеңімпаздарына табысталды, - делінген ведомство таратқан хабарламада.