Ташкентте магнитудасы 3,6 балдық жер сілкінісі болды

Ташкентте 9 қыркүйек күні жергілікті уақыт бойынша сағат 05:45-те магнитудасы 3,6 балдық жер сілкінісі болды, деп хабарлайды El.kz ақпарат агенттігі.

Өзбекстан ТЖМ сейсмикалық болжамды бақылау республикалық орталығының мәлімдеуінше, дүмпу ошағы Ташкенттің Мирзо-Ұлықбек ауданында болған.

Ташкентке дейінгі арақашықтық солтүстік-шығыс бағытта – 10 шақырым.

Өзбекстан аумағындағы жерасты дүмпулерінің күші басқа өңірлерде де байқалды:

• Мирзо-Ұлықбек ауданы 2 балл;
• Мирабад ауданы 2 балл;
• Шайхантахур ауданы 2 балл;
• Яшнабад ауданы 2 балл;
• Алмазар ауданы 2 балл;
• Яккасарай ауданы 2 балл;
• Чиланзар ауданы 2 балл.