Танымал блогердің беташар тойына миллиондаған қаржы түсті

Танымал блогер Артур Аскарұлы мен оның сүйіктісі Замира Саидованың үйлену тойына көптеген танымал тұлғалар жиналды. Тойдағы ең әсерлі сәттердің бірі — дәстүрлі қазақтың беташар рәсімі болды. Осы кезде жұлдызды қонақтар бұрын-соңды болмаған жомарттық танытып, жас жұбайларды қомақты ақшалай сыйлықтармен қуантты, деп хабарлайды El.kz интернет порталы.

Айта кету керек, беташар кезінде жиналған қаржы бұрын тек асабаға (беташар жүргізушісіне) арналатын. Алайда соңғы жылдары бұл қаражат жас жұбайларға табысталатын жаңа үрдіс қалыптасты. Бұл сома негізгі тойдың сыйынан бөлек есептеліп, қонақтардың кең пейілін, шынайы ниетін көрсетті.

Салтанатты шарада бірнеше танымал тұлғалар жомарттық танытып, беташарға Дидар Сыдықбек – 1 000 000 теңге, Ұлықбек Шәріпов – 500 000 теңге, продюсерлер Рүстем мен Алмас Жәлі – әрқайсысы 300 000 теңгеден, блогер Жеңіс Омаров – 300 000 теңге, Біржан Әшім – 250 000 теңгеден берді.