Талғардағы мектептерде сабақ тоқтатылды

ТЖМ Алматы облысында болған жер сілкінісіне қатысты мәлімдеме жасады, деп хабарлайды El.kz ақпарат агенттігі.

Алматы облысының Талғар қаласында қираулар мен зардап шеккендер туралы ақпарат түскен жоқ. Тыныс-тіршілікті қамтамасыз ету нысандары штаттық режимде жұмыс істеп тұр. «Қазселденқорғау» АТЭТУ мамандары өзен арналарын, гидротехникалық құрылыстарды, көшкін қауіпті және сел қауіпті учаскелерді зерттеу бойынша мониторинг жүргізді, - делінген мәліметте.

Сондай-ақ Алматы қаласының патрульдік полиция қызметкерлері тіршілікті қамтамасыз ету нысандарын аралап, тексеру жұмыстарын жүргізді.

Тексеру нәтижелері бойынша зақымдану табылған жоқ, қазіргі уақытта аталған объектілер штаттық режимде жұмыс істейді. Қираулар мен зардап шеккендер туралы мәлімет түскен жоқ. Жағдай тұрақты. Қала тұрғындарынан «112» желісіне ақпараттық сипаттағы 50-ге жуық қоңырау келіп түсті, - деп осты министрлік.

Алматы облысының ТЖД командалық орталығының базасында жедел желі телефоны ашылды: 8 (7277) 22-60-97

Сонымен қатар бүгін Талғардағы балабақшалар мен мектептерде сабақ тоқтатылған.