Талғарда өлтірілген Шерзат Болаттың 40 күндік асы берілді

Талғарда қылмыстық топ мүшелері қолынан қайтыс болған Шерзат Болаттың 40 күндік асы берілді. Құран бағыштау рәсімінің рэпер әрі блогер Жан Ахмадиев Instagram парақшасында жариялады, деп хабарлайды El.kz ақпарат агенттігі. 

Еске салсақ, 4 қазанда Шерзат Болат есімді 16 жастағы жасөспірім азғындықпен өлтірілген еді. Қазіргі кезде қылмыстық іске қатысты тергеу амалдары жүріп жатыр. Күдіктілер қамауда жатыр.   

Араға бірнеше күн салып марқұм болған жасөспірімнің үйі өртенді. Алматы облысының прокуроры өрт үйдің сыртынан басталғанын, оқиға орнынан канистр мен резеңке қолғаптар табылғанын айтты. Көп ұзамай Алматы облысы әкімдігі өртенген үйді қалпына келтіруге көмектесетінін мәлімдеді. Бұдан өзге Шерзат Болат қаза тапқан күнгі бейнежазба әлеуметтік желіде тарап кетті. Ішкі істер министрінің бірінші орынбасары Бауыржан Әленов бұған қатысты Ішкі қауіпсіздік департаментінде қылмыстық іс қозғалғанын айтты.

Ішкі істер министрлігі Шерзат Болаттың өліміне қатысты тергеу Қылмыстық кодекстің қандай баптары бойынша жүргізіліп жатқанын мәлімдеді. Бұрынғы Жоғары сот төрағасы, бүгінде сенатор Жақып Асанов қайғылы оқиғаға қатысты пікір білдірді.