Талдықорғанда үшем дүниеге келді

Жетісу облысында үшем дүниеге келді. Талдықорған қаласының 28 жастағы тұрғыны екі ұл, бір қызды дүниеге әкелді, деп хабарлайды El.kz ақпарат агенттігі.

Үшемдер 10 қаңтар күні мерзімінен бұрын дүниеге келген. Ұл балалар 1800 - 1850 гр салмақпен, (бойлары 41 см) және қыз бала 1400 гр (39 см) салмақпен жарық дүние есігін ашты. Дәрігерлер үшемдерді үнемі бақылауда ұстап, 30 аптада кесір тілігі арқылы босандырып алған.

Алғашқы күндері олардың жағдайы ауыр болды. Балалар бір айдан астам уақыт дәрігерлердің бақылауында болды. Осы уақыт аралығында нәрестелер 400 грамға дейін салмақ қосты. Бүгінгі күні балалардың денсаулығы қалыпты, – дейді акушер- гинеколог, облыстық перинаталды орталық директорының орынбасары Дана Абылғазинова.

Үшемдердің ата-анасы Самал Аманжолова мен Ернұр Дүмбергенов балаларға Зейнеп, Зейн и Зейнұр деген есім берді. Оларды үйде 10 жасар әпкесі күтіп отыр.

Айта кету керек, 2023 жылы Жетісу облысында 13 343 бала дүниеге келсе, оның 86-ы егіз.

Оқи отырыңыз: 

Түркістан облысы бала туу көрсеткіші бойынша республикада көш бастап тұр

Шымкентте үшем дүниеге келді