Түркістан облысында суға батып кеткен екі шетелдік студенттің бірінің мәйіті табылды. Саяхаттау кезінде суға батып кеткен шетелдік студенттің мәйіті 26-шы маусымнан бері іздестіріліп жатқан еді, деп хабарлайды El.kz облыстық ТЖД баспасөз қызметіне сілтеме жасап.
Республикалық жедел-құтқару жасағының құтқарушылары үздіксіз іздестіру жұмыстарының нәтижесінде Ханарық ауылының төмен жағында Ақсу өзенінен мәйітті тапты.
«Тағы бір шетелдің студенттің мәйітін іздестіру жұмыстары әлі жалғасуда. Бұл жұмыстарға Республикалық жедел-құтқару жасағынан 5 құтқарушы, 1 жүзу құралы, Түркістан облысы ТЖД 7 құтқарушы, 1 жүзу құралы жұмылдырылған»,- делінген хабарламада.
Еске салайық, шетелдік екі студент биыл 26 маусым күні Төлеби ауданындағы Ақсу өзеніне батып кеткен болатын.