Сүйіктісін ұрған танымал актер халықтан кешірім сұрады

Бұрынғы сүйіктісі Әлия Бутееваны ұрып-соқты деп айыпталған танымал қазақстандық актер Шәріп Серіктің басы дауға қалды. 33 жастағы актер бұл оқиғаға байланысты көпшілік алдында кешірім сұрауды жөн көрді, деп хабарлайды El.kz ақпарат агенттігі.

4 сәуір күні Шакенти Instagram-дағы жеке парақшасында жаңа жазба жариялады:

Менің атым – Шәріп Серік. Мен кез келген зорлық-зомбылықтың түріне қарсымын. Өкінішке қарай, сіздердің барлығыңыз менің Әлия Бутееваны лифтіден дөрекі түрде сүйреп шығарғанымды көрдіңіздер. Өзімді ақтағым келмейді. Бұл – үлкен қателік. Заң бойынша жауап беруге дайынмын. Ашуланып, ызаға булыққан сәтті көпшілік түсінетін шығар. Бірақ менің қателігімді қайталамаңыздар деп өтінемін. Мен шапалақпен ұрдым. Әлиядан, оның отбасынан және осы әрекетіме куә болған барлық адамнан кешірім сұраймын, - деді актер.

Актердің бұл мәлімдемесі желіде қызу талқыланып, түрлі пікір тудырды.