СУРАГАН ДУРВУДХАН: ЖАН ДҮНИЕМ АСТАНА СЕКІЛДІ ӨЗГЕРІП, ЖАҢАРЫП ЖАТЫР

Қазақстан халқы Ассамблеясының XXVII Сессиясы – үлкен мереке. Жақсы көңіл-күймен келіп, тарап жатырмыз.

Әртүрлі ұлт өкілдерінің болсын, тіпті спикерлердің, өнерден болсын, ғылым, білімнен болсын — елімізге қосып жатқан үлестерін көріп, сездім.

Әртүрлі ұлттардың біздің елімізге, жерімізге деген ризашылығын, алғыстарын көрдік.

Елорданың қарқыны ұнайды. Жалпы біздің жастарға керегі де сол, себебі әлемнің дамуы, жахандану кезеңінде жылдам жүруде. Қазір техниканың бәрі алға кетті. Бір смартфонды екіншісіне ауыстырып үлгермей жатырмыз. Елордамызда жаңадан ғимараттар салынуда.

Кейде ойлаймын, астанаға келген әрбір адам өзімен ұқсайтын сипатын байқайтын сияқты. Мысалы мен де елордаға келіп, жұмыс жасағаныма 1,5 жыл болды. Менің астана секілді жан дүнием өзгеріп, жаңарып, осындай жиындарға қатысып, жаңа адамдармен танысып, жаңа ойлар қалыптастырып, еңбек етіп, шамаммен өсуге талпынып жатырмын.

Сураган ДУРВУДХАН,

Назарбаев Университетінің ғылым және технология

мектебінің ассоциативті профессоры