Суға батып кетті деген ер адам тірі табылды

Бакуде 2024 жылдың қазан айында жоғалып кеткен 28 жастағы Кянан Гурбанлы тірі табылды, деп хабарлайды El.kz ақпарат агенттігі.

Іздеуде жүрген азаматты Сабунчи аудандық полиция басқармасының №15 бөлімінің қызметкерлері анықтаған.

Бұған дейін Кянан Гурбанлының теңізге батып кеткен болуы мүмкін деген болжам айтылған болатын.

Айта кетейік, жас жігіт кәсіби скрипкашы. Қазіргі уақытта оның осы уақыт аралығында қайда болғаны туралы нақты ақпарат жарияланған жоқ.