Суда батып кетпес үшін не істеу керек?

Елімізде алғашқы жарты жылда 171 адам суға батып кеткен. Оның 58-і балалар. Төтенше жағдайлар министрлігі суға түсу кезінде қауіпсіздік ережелеріне баса мән беру керектігін ескертсе де, өкінішке қарай, қайғылы жағдайдың алдын алу мүмкін болмай тұр, – деп хабарлайды El.kz.

Осы орайда суда батып кетпес үшін мамандар кеңесіне жүгінуді жөн көрдік:

1. Әдетте адамдар суға батып жатқанда қолдарын жоғарыға көтереді, ол дұрыс емес, себебі мұндайда басыңыз судың астында қалып қояды;

2. Аяқ-қолыңызды судың астында тоқтаусыз қозғалтыңыз, құдды жүріп келе жатқандай. Бұл басыңызды су бетінде ұстауға көмектеседі әрі қолыңызды тынықтырып алуға мүмкіндік бар;

3. Көмек жеткенше дәл осы қимылды қайталай беріңіз.

4. Суда ұзағырақ қалқып тұру үшін өкпеңізді ауаға толтырыңыз. Өкпеңізде ауа болмаса, су түбіне кету қаупі артады;

5. Ешқашан жалғыз жүзбеңіз. Тіпті кәсіби жүзгіштердің өзі ағысқа төтеп бере алмайды.

Автор:Сауле Сарбасова