«Субұрқақтан тоқ соққан». 13 жастағы қыз ажал құшты

Ресейдің Белгород облысында мектеп оқушысы субұрқақтан тоқ соғып көз жұмды, деп хабарлайды El.kz  интернет порталы.

Оқиға Томаровка кентінде болған. SHOT деректеріне сәйкес, 13 жастағы Рита 14:00 шамасында дос қызымен бірге серуендеп жүрген. Қыздар алаңда ойнап, контактылы субұрқақ арқылы жүгіріп өтіп жүрген.

Рита үшінші рет жүгіргенде тоқ соғып, есінен танып құлаған. Қасындағы құрбысы оны тартып алмақ болғанымен, ештеңе істей алмаған. Куәгерлер мен жергілікті мәдениет үйінің қызметкерлері көмекке ұмтылған. Су өшірілгеннен кейін ғана қызды қауіпсіз жерге шығара алған. Өкінішке орай, жедел жәрдем келгенше Рита қайтыс болып кетті.

Құрбысы өзін кінәлап, оны тоқтатпағанына қатты өкінді. Қыздың әжесі мен атасы немересін серуендеуге жібергендеріне өздерін кінәлады. Бұл – орны толмас қайғы, – деді оқиға куәгерлері.

Оқи отырыңыздар:

• Ақтөбеде дәрігер жоғалып кетті
• Күйеуі мұрны мен құлағын кесіп тастаған әйелдің жағдайы белгілі болды

Рита – отбасының жалғыз баласы. 6-сыныпты аяқтаған, жақсы оқыған, би үйірмесіне қатысқан. Қайғыдан қан жұтқан ата-анасы облыс губернаторынан оқиғаны жеке бақылауға алып, өңірдегі барлық субұрқақты тексеруді сұрады.