Студенттерге орталықтандырылған оқытуды енгізу үшін ECTS-ті қолдану семинары өтті

Ғылым және жоғары білім министрлігі мен Жоғары білім беруді дамыту ұлттық орталығы Astana IT University-мен бірлесіп «Жоғары және жоғары оқу орнынан кейінгі білім беру ұйымдарында студенттерге орталықтандырылған оқыту және бағалау үшін кредиттерді аудару мен жинақтаудың еуропалық жүйесін (ECTS) пайдалану» тақырыбында оқыту семинарын ұйымдастырды, деп хабарлайды El.kz ақпарат агенттігі министрліктің баспасөз қызметіне сілтеме жасап. 
 
Іс-шараға академиялық мәселелер жөніндегі проректорлар мен құрылымдық бөлімшелердің басшылары қатысты. Неғұрлым тиімді және студентке бағытталған білім беру ортасын құру мақсатында ECTS қолдануға негізделген озық тәсілдер мен әдістер талқыланып отыр. 
 
Жоғары оқу орындарының басшылары мен жоғары білім беру саласындағы сарапшылар өз баяндамаларын ұсынды. Сондай-ақ семинарға қатысушылар өздерінің білім беру бағдарламаларына ECTS енгізу бойынша одан әрі іс-қимыл жоспарларын да талқылап өтті.