СҚО-да журналиске сұхбат берген соң әкімнің жүрегі ұстап қалды

Солтүстік Қазақстан облысында ауыл әкімі журналиске сұхбат берген соң жүрегі ұстап, ауруханаға түсті, деп хабарлайды El.kz ақпарат агенттігі. 

Облыстағы Астрахан ауылдық округінің әкімі Руслан Қабатов инсульт алғаны белгілі болды.

Ол 26 мамыр күні кешке ауруханаға түскен.

Бұл туралы Қазақстан Халық партиясы өкілі Ерғали Жұмағұлов желіде жазды.

Қазіргі уақытта аурухананың инсульт орталығында жатқан әкімнің жағдайы жақсарды деп отыр.

Ерғали Жұмағұлов жазбасында ауруханаға түскен әкімнің жағдайы мен оның «Обожаю» бағдарламасының авторы Асхат Ниязовке берген сұхбатын байланыстырған.

21 мамырда жарияланған бағдарламаның шығарылымында әкімдікте істейтін әйел тілшіге мұнда еден жуатын әйелдің айына 20 мың теңгеге жалақы алатынын айтқан. Сондай-ақ қолғап пен жууға арналған заттарды өз ақшасына сатып алады деген. Ал еден жуушы журналистің бұл сұрағына жауап беруден бас тартты.