СҚО-да онкологтар мен гинекологтарға 5 млн теңгеден берілген

Солтүстік Қазақстанда денсаулық сақтау саласын қаржыландыру 17 миллиард теңгеге, яғни 56% - ға ұлғайды. Бұл туралы аймақ басшысы Айдарбек Сапаров айтты, деп хабарлайды El.kz ақпарат агенттігі.

Ал өлім-жітім деңгейі 16% - ға, қан айналымы жүйесі ауруларынан - 12% - ға, инсультен -24% - ға, туберкулездің таралуынан-5% - ға төмендеген.

«Ауылдық денсаулық сақтауды жаңғырту ұлттық жобасы аясында өңірде 46 медициналық нысан салу жоспарланған. Бұл ФАП, дәрігерлік амбулаториялар мен медициналық пункттер. «Кешенді даму жоспарын» іске асыру шеңберінде күзде Петропавлдағы «Жас Өркен» және «Береке» шағын аудандарында ауысымына 250 адам қабылдайтын 2 емхана ашылады. Аудан орталығында (Кішкенекөл ауылы) 250 адам қабылдайтын емхананың құрылысы басталды, - дейді облыс әкімі.

Ал медициналық жабдықтармен жабдықтауға 5,5 млрд теңге бөлінді.

Санитарлық автокөлік паркі жаңартылуда. Жыл басында аудандық ауруханалар 14 санитарлық көлік алды. Тағы 18 бірлік сатып алынады, - деді әкім.

Сондай-ақ кадр тапшылығы мәселесін шешу үшін көтерме жәрдемақы мөлшері ұлғайтылғанын айтты. 

Анестезиолог-реаниматологтар, акушер-гинекологтар, онкологтар сияқты аса сұранысқа ие мамандықтардың дәрігерлері 5 млн теңге мөлшерінде біржолғы төлем алады, - деді аймақ басшысы.