Өскеменде «Соқа мерекесі» аталып өтті

Өскеменнің этнографиялық мұражай-қорығында татар халқының «Сабантой» мерекесі аталып өтті.

Оған Шығыс-Қазазқстан облысы татар этномәдени бірлестігінің өкілдері, Казан қаласынан келген этнос өкілдері, ШҚО Достық Үйінің этномәдени бірлестіктерінің өкілдері, этномәдени бірлестіктердің шығармашылық ұжымдары, қала тұрғындары мен қонақтары қатысты.

Көрермендер үшін мерекелік концерт, «Татарча көрәш», армрестлинг, гір көтеру, бөренеден жүру, арқан тарту және тағы басқа ұлттық ойындар мен байқаулар ұйымдастырылып өткізілді.

«Сабан туе» - татар тілінен аударғанда «Соқа мерекесі, егіншілік, жер ана - жерді қастерлеу мерекесі.

Сабантой - татарлардың жерге және адал еңбекке деген сүйіспеншілігінің жарқын көрінісі.

Екі ғасырдан астам уақыт бойы Қазақ жерінде қоныс тепкен татар халқының өкілдері Қазақ елін өз Отаны санайды.