Сирия президенті ел астанасынан белгісіз бағытқа ұшып кетті

Сирия президенті Башар Асад ел астанасынан ұшақпен белгісіз бағытқа кетіп қалған, деп хабарлайды Reuters-ке сілтеме жасап El.kz ақпарат агенттігі.

Reuters агенттігінің мәліметінше, Асад жексенбі күні Дамаск қаласынан белгісіз бағытқа ұшып кеткен. Ал Сириядағы Адам құқықтарын бақылау орталығының дерегіне сәйкес, ол қаладан сенбі күні кешкі сағат 22:00-де шығып кеткен.

Оппозиция мен исламистік күштердің «Аль-Фатх аль-Мубин» бірлескен қолбасшылық телеграм-арнасында «Асад қашып кетті» деген ақпарат пайда болды. Сонымен бірге, көтерілісшілер «Дамаск Башар Асадтың тұтқынынан босатылды» деп жариялады. Оппозициялық күштер Дамаскке кіргенін хабарланып отыр.