Синоптиктер 8 градусқа дейін аяз болатынын хабарлады

«Қазгидромет» РМК мамандары алдағы күндері аяз болатынын хабарлады, деп хабарлайды El.kz ақпарат агенттігі.

Республиканың басым бөлігінде найзағай, жаңбыр күтіледі. 25 сәуір күні еліміздің оңтүстігі мен оңтүстік-шығысында жаңбыр қарқындылығы қатты болады. Тек аптаның басында еліміздің солтүстігі мен шығыс аймақтарында жауын-шашынсыз ауа-райы сақталады. Республика бойынша екпінді жел, оңтүстікте, оңтүстік-шығыста бұршақ, дауыл болады деп болжануда.

Арктикалық ауа массаларының енуінен еліміздің солтүстік-батысында, солтүстігінде, шығысында ауа температурасы түнде 1-8 градус аязға дейін төмендейді, ал күндіз 3-13 градус жылы болады, орталықта түнде 0-5 аяз болса, күндіз 5-15 жылы ауа райы сақталады.