«Шындыққа айналды». Президент Украина туралы айтты

Мемлекет басшысы өңір жастарымен жүздескен сәтінде Украинадағы жағдай жөнінде айтты, деп хабарлайды El.kz ақпарат агенттігі.

Президенттің сөзінше, Қазақстан «Бірлігіміз – әралуандықта» идеологиясын темірқазық етіп ұстанып отыр.

Ұлтымыз бен наным-сеніміміз әртүрлі екеніне қарамастан, бір қоғамда тұтас халық болып өмір сүреміз. Мен баршаңызды осынау терең үдерісті толық түсінуге шақырамын. Сонда ғана табысқа жете аламыз. Қазір Украина жөнінде көп айтылып жатыр. Біз алғашқы кезден бастап осы соғысты міндетті түрде тоқтату керек, дипломатиялық келіссөздер арқылы бір мәмілеге келу қажет деп айттық. Бұл ұстанымымыз енді шындыққа айналды. Екі алпауыт ел саяси сұхбат жүргізе бастады. Бұл – жақсы үрдіс. Әрі Қазақстанға пайдасын тигізеді. Сондықтан біз мұны мейлінше қолдаймыз, – деді президент.