Шымкентте жыл соңына дейін көпқабатты 16 үйдегі лифт ауыстырылады

Биыл Шымкентте көпқабатты 16  тұрғын үйдегі 29 жеделсатыні  ауыстыру жоспарланған. Қазіргі таңда көпқабатты 12 тұрғын үйдегі 22 лифтіні ауыстыру жұмыстары жүргізілуде, деп хабарлайды El.kz ақпарат агенттігі.

Жыл соңына дейін қосымша көпқабатты 4 тұрғын үйге 6 жедел сатыны ауыстыру жұмыстары жүргізілетін болады. Сонымен қатар "Нұрсат" шағынауданындағы № 128, 132, 135В, 135Б, 135А тұрғын үйлердің пәтер иелері  лифт  қондырғыларын ауыстыру қажеттігі туралы өтініш білдірген. Осыған орай көпқабатты тұрғын үйлердің пәтер иелерімен жалпы жиналыс өткізіліп, заңнама талаптары толық түсіндіру жұмыстары жүргізіліп, хаттама берілген

Қала әкімдігінің мәліметінше, "Тұрғын үй" заңнамасына сәйкес нысанның ортақ мүлкіне күрделі жөндеу жүргізу (жаңғырту, реконструкциялау, реставрациялау, жедел саты (лифт) туралы шешім пәтерлер, тұрғын емес үй-жайлардың меншік иелерінің жалпы санының жартысынан астамы қатысатын жиналыста қабылданады. Шешім пәтерлер, тұрғын емес үй-жайлар меншік иелерінің жалпы санының көпшілігі келіскен жағдайда қабылданады.