Шымкентте жүкті әйел көлікте босанып қалды

Жүкті келіншекті күйеуі көлікпен перзентханаға жеткізбек болған. Алайда толғағы қысқан әйел көлік ішінде босанып қалды. Ана мен сәбидің тез арада перзентханаға жетуі үшін патрульдік полицейлер көмекке келген, деп хабарлайды El.kz ақпарат агенттігі.

Қала көшелерінде қауіпсіздікті қамтамасыз етіп жүрген полицейлерге көлік жүргізушісі жүгінген. Ер адам әйелінің жолда толғағы қысып, ауруханаға жетпестен машинада босанғанын айтқан.

Тәртіп сақшылары Нұралы Тәукеев пен Саят Керімбек жедел әрекет етіп, сиреналарды қосып, көлікті сүйемелдеп алып жүру арқылы жаңа туған нәресте мен оның анасын перинаталдық орталыққа барынша жылдам жеткізген.

Осылайша бірнеше минут ішінде ана мен бала дәрігерлерге тапсырылды.

Жаңа сәби отбасының екінші перзенті екен. Қазіргі таңда нәресте мен анасының жағдайы бірқалыпты.   

Оқи отырыңыз: 

• Егіздерден соң үшем туған батыр ана: Балаларым – Алланың сыйы!
• Қажымұқанның ауылында алып бала дүниеге келді