Шымкентте жол-көлік оқиғасының орнынан қашып кеткен жүргізуші ұсталды

Шымкентте жол-көлік оқиғасының орнынан қашып кеткен жүргізуші ұсталды, деп хабарлайды El.kz ақпараттық агенттігі.

ҚР ІІМ баспасөз қызметінің мәліметінше, 29 маусым сағат 13:30 шамасында Тұран АПБ-ның «102» арнасына жергілікті тұрғындардан қоңырау түсті. Олар белгісіз автокөлік тізгіндеушісі көшедегі газ жәшігін соғып, жауапкершіліктен жалтару мақсатында, оқиға орнынан кетіп қалғанын жеткізді.

Жол-көлік оқиғасының салдарынан бірнеше жеке тұрғын үй уақытша газсыз қалды. Жедел басқару орталығының бейнебақылау испекторлары іздестіру жұмыстарын жүргізу барысында жол-көлік оқиғасына кінәлі ГАЗ-3302 автокөлігінің жүргізушісін анықтады, - делінген мәліметте.

Ер адам бүгін қала аумағында патрульдік полиция қызметкерлерімен тоқтатылып, ұсталды.