Шымкентте жеке үй ауласынан 4 жылан шықты

Шымкентте жеке үйдің тұрғындары 112 пультіне үй ауласында жылан жүргені туралы хабарлап көмек сұраған, деп хабарлайды El.kz ақпарат агенттігі. 

Құтқарушылар шақырту орындарына жедел жетіп, арнайы құралдың көмегімен 4 рептилияны ұстады. Мұнан соң оларды ыдысқа салып, азаматтарға қауіп төндірмеу үшін оларды елді мекеннен қауіпсіз жерге жіберді.

ТЖМ жылан табылған кезде дереу құтқарушыларды шақыру қажеттігін ескертеді. Жыланды өздігінен ұстау соңы қайғылы жағдайға әкелуі мүмкін.