Шымкентте жаңа жылдық шыршадағы өрт санаулы минутта сөндірілді

Бүгін 21 желтоқсанда сағат 18:09-да Шымкенттегі  «Астана» алаңында жаңа жылдық шыршаны жағу рәсімі кезінде ашық аспан астында электр сымдарының қысқа тұйықталуы болып, өрт шықты. Соның салдарынан шыршаның 0,2 шаршы метр аумағы жанды, деп хабарлайды El.kz ақпарат агенттігі.

Төтенше жағдайлар департаментінің кезекшілікте тұрған қызметкерлерінің жедел әрекет етуінің арқасында өрт сағат 18:13-те оқшауланып, 18:20-да толықтай сөндірілді. Зардап шеккендер мен жарақат алғандар болған жоқ,-делінген ТЖД мәліметінде.

Төтеншеліктер жаңа жылдық мерекелермен байланысты іс-шаралар кезінде өрт қауіпсіздігі ережелерін қатаң сақтаудың маңыздылығын ескертеді.

Айта кетсек, Шымкентте бас шырша шамы жағыла салып өртенген болатын.