Шымкентте тағы бір тұрғын алабы газдандырылды

Шымкентте 60 мыңнан астам халқы бар Қайнарбұлақ тұрғын алабына газ тартылды, деп хабарлайды El.kz ақпарат агенттігі қала әкімдігіне сілтеме жасап. 

Тұрғындар осыған дейін сұйытылған газды күнделікті қолданып келген. Газ құбырының құрылысы 2022 жылы басталған. Қала әкімі халықты сапалы қызметпен қамтуда жауапты тұлғаларға газ құбырын ерте кезеңде пайдалануға беруді жеделдетуді тапсырды.
 
Айта кетейік, бүгінде абоненттердің 60% - көгілдір газға қол жеткізді, ал 40% - ы биыл қараша айының соңына дейін қосылады. Тұрғындар қазірден қосылуға өтініш бере алады.
 
Сонымен қатар, осы жылдың соңына дейін Ынтымақ-2, Тассай, Бозарық және Көктөбе шағын аудандарының тұрғындарын көгілдір отынмен қамтамасыз ету жоспарлануда.