Шымкентте көктемгі дезинфекциялық жұмыстар жалғасуда

Шымкентте көктемгі дезинфекциялық жұмыстар жалғасуда. Қала әкімдігі залалсыздандыру жұмыстары жылына 2 рет: көктем және күз мезгілдерінде жүргізілетінін атап өтті, деп хабарлайды El.kz ақпарат агенттігі.

Кенелер мен басқа да жәндіктердің көбеюін алдын алуға бағытталған жұмыстарға 10 дезинфектор маман, 5 арнайы техника жұмылдырылды. Бұл бағыттағы жұмыстар ауылшаруашылығы жануарларын ұстайтын, арнайы қорасы бар үйлерге ақысыз негізде жүргізіледі. Сондай-ақ, залалсыздандыру жұмыстары кезінде 74 850 бас ірі қара малды бүрку, 77 660 бас уақ малды тоғыту шаралары атқарылып, 2 325 750 ш.м қора-жайлар мен оларға жапсарлас аумақтар 2 311 161 ш.м саябақтар мен гүлзарларға сертификатталған арнайы химиялық препараттар қолданылады.