Шымкентте гүл саудасы бойынша эскиздік жобалар конкурсы өтеді

Шымкенттегі гүлдер аллеясында сауда нысандарына арналған эскиздік жобаларды анықтау конкурсы гүл саудасы мен флористика бағытындағы шағын бизнесті қолдау мен дамыту бағытында өткізіледі, деп хабарлайды El.kz ақпарат агенттігі.

Конкурс мақсаты — гүл саудасын дамыту, шағын бизнесті қолдау. Қатысуға Шымкент қаласында тіркелген кәсіпкерлер шақырылады.

Ұсынылатын жобалар — киоск немесе павильон түріндегі сауда нысандары. Қажетті құжаттар:
– Өтінім (белгіленген үлгіде);
– Эскиздік жоба;
– Бизнес-жоспар;
– Бизнес тіркелгенін растайтын құжаттары.

Өтінімдер қабылдау мерзімі – 26 мамыр-04 маусым аралығы (10 күнтізбелік күн). Айта кетсек, бір қатысушы бір немесе бірнеше сауда орнына эскиздік жобалар ұсына алады.