Шуда жолға қоқыс лақтырған тұрғын жазаланды

Бейнебақылау камералары арқылы мониторинг жүргізу барысында қоқысты белгіленбеген орынға қалдырған тұрғын анықталды, деп хабарлайды El.kz ақпарат агенттігі.

Полиция қызметкерлерімен жүргізілген жедел-іздестіру жұмыстарының нәтижесінде жергілікті тұрғын анықталып, әкімшілік жауапкершілікке тартылды.

Тұрғын өз кінәсін мойындап, құқық бұзушылықтың салдарын жойды.

ҚР ӘҚБтК-нің 434-бабы 2-бөлігімен әкімшілік хаттама толтырылды.

Бұл бапқа сәйкес, жеке тұлғаларға – 5 АЕК мөлшерiнде айыппұл салуға немесе он бес тәулiкке дейiнгi мерзiмге әкiмшiлiк қамаққа алуға әкеп соғатын жаза көзделген.