ШҚО-да ТЖМ әскерилері су тасқынына қарсы жұмыс жүргізіп жатыр

Алтай ауданында биыл жауған қардың көп мөлшері себебінен қар тазалау және шығару жұмыстары күшейтілген тәртіпте жүргізілуде, деп хабарлайды El.kz ақпарат агенттігі.

Техника жетпейтін жерлерде бұл жұмыстарды көмекке келген ҚР ТЖМ 68303 әскери бөлімінің жеке құрамы жүргізуде.

Бүгінгі күні еріген судың кедергісіз ағып кетуін қамтамасыз ету үшін әскерилер Алтай қаласы, Зубовск кенті және Тұрғысын ауылында 9 су өткізгіш құрылысты, 2380 м арықтарды тазартты.

Оған қоса, ауданның ТЖ басқармасының қызметкерлерімен және еріктілермен бірлесіп, жауынгерлер су тасқыны кезеңі және ондағы тәртіп ережелері туралы ескертіп, халықпен нұсқаулық өткізуде.