«Шетелге оқуға кеткен дәрігерлер тек қыдырып келеді». Ринат Зайытов министрге ұсыныс айтты

Мәжіліс депутаты Ринат Зайытов денсаулық сақтау министрі Ақмарал Әлназароваға дәрігерлерді шетелге жіберіп оқыту тиімсіз екенін түсіндірді, деп хабарлайды El.kz ақпарат агенттігі.

Министрдің сөзінше, дәрігерлерді шетелде оқытуға 300 млн теңге бөлінеді.

Жақында Түркияда болдым. Сол жақтағы азаматтар «Түркияға дәрігерлерді жіберіп оқытудан пайда жоқ» деп сізге дұғай сәлем айтып жатыр. Себебі біздің дәрігерлер ол жаққа барады да, оқығаннан гөрі қыдырғаны көп болады. «Одан да сол ақшаға түріктің маманын алдыртып, озық технологиямен Қазақстанда оқытпайды ма?» деп менен сұрап жатыр. Осылай тиімді екен, - деді Зайытов.