Шерзаттың қандай жарақаттан қаза тапқаны айтылды

2024 жылы 4 қазанда Талғарда қаза тапқан Шерзат Болаттың өліміне қатысты тың дерек айтылды, деп хабарлайды El.kz ақпарат агенттігі.

Прокурорлар айыптау актісін толық оқып, сараптама қорытындысын мәлім етті.

Іс бойынша жүргізілген сот-медициналық сараптама қорытындысына сәйкес, кәмелетке толмаған Шерзат Болаттың өлімі сол жақ өкпенің жоғарғы бөлігіне зақым келтіре отырып, сол жақтағы кеуде қуысына еніп, шаншылып кесілген жарақаты салдарынан дамыған ауыр қан жоғалтудан болды. Өлім 2024 жылдың 4 қазанында сағат 01:30-да Талғар аудандық орталық ауруханасының стационарында расталды, – деді прокурор онлайн өткен сот отырысында.

Мәйітті зерттеу кезінде Шерзаттың денесінен өлімге тікелей себеп болатын жарақаттар анықталған. 

Ішкі және сыртқы қан кетуді тудырған сол жақ өкпенің жоғарғы бөлігінің зақымдануы мен гемоторакс, плевра қуысында 1500 миллиграмм көлемінде қанның болуы, сол жақтағы кеуде қуысына еніп, шаншылып кесілген. Бұл өмірге қауіп төндіретін және жәбірленушінің өлімімен тікелей себептік байланыста болатын денсаулыққа ауыр зиян келтірген. Бұл дене жарақаты стационарға келгенге дейін шаншу-кесу қасиеті бар заттың әсерінен туындаған, – деді мемлекеттік айыптаушы.