Шерзат Болат ісі: Талғарға жаңа бас полицей келді

Ішкі істер министрінің бұйрығымен Талғар аудандық полиция басқармасының бастығы лауазымына полиция полковнигі Асхат Бекенов тағайындалды, деп хабарлайды El.kz ақпарат агенттігі.

Алматы облысы Полиция департаментінің мәліметінше, полковник Бекенов 1980 жылы Павлодар облысының Ертіс ауданында дүниеге келген. 2001 жылы Қарағанды заң институтын тәмамдәді. Ішкі істер органдарында 1997 жылдың тамызынан бастап қызмет етеді. Мансабын Павлодар облысы Қашыр АІІБ жедел уәкілі қызметінен бастаған. 

Лауазымға тағайындалғанға дейін Алматы қаласы ПД криминалдық полиция басқармасы бастығының орынбасары болып жұмыс істеді.

Естеріңізде болса, 4 қазан күні болған төбелестан 16 жасар Шерзат Болат қайтыс болды. Елді дүрліктірген оқиғадан соң өңірдегі бірқатар лауазымды тұлға қызметтерінен кетті.