UFC жартылай орта салмағындағы қазақстандық спортшы Шавкат Рахмонов 5 наурыз күні таңда Лас-Вегастағы UFC 285 турнирінің негізгі кардында америкалық Джефф Нилмен жекпе-жекке шығады, деп хабарлайды El.kz ақпараттық агенттігі.
Жекпе-жек алдындағы аптада олар баспасөз конференциясын өткізіп, бірінші рет бетпе-бет жолықты.
UFC рейтингісінің 9-орнында тұрған Шавкат Рахмонов мінсіз рекорд иегері. Ол 16 рет жеңіске жетіп, мүлдем жеңілмеген, оған қоса барлық жекпе-жегі мерзімінен бұрын аяқталған. «Номад» UFC-де төрт айқас өткізді.
Джефф Нилге келер болсақ, оның қоржынында 15 жеңіс пен 4 жеңіліс бар. Ол дивизион рангі туралы кестеде 7-орында тұр.